ಮನಸ್ಸು

ಮನಸ್ಸು

ಜೀವನವೇ ಹೋರಾಟ

ಹೋರಾಡುವ ಖಡ್ಡಾಯ

ರಣರ೦ಗ ಬದಲಾಗಬಹುದು

ಹೋರಾಟ ಬದಲಾಗುವುದೇ

ಯಾವುದನ್ನೂ ಕೇಳದೆ

ಯಾವುದನ್ನೂ ಹೊರ ತೋರದೆ

ತಲೆ ಬಗ್ಗಿ ಓಡುವ

ಲಗಾಮಿನ ಕುದುರೆಗಳು

ವಿಧಿಯ ಚಾಟಿಗೆ ಕುಣಿದು

ಮನದ ದುಖ:ವ ಮೆರೆದು

ನೋವಿನೊಳಗಿನ ಸುಖವ

ಅನುಭವಿಸುತ್ತಾ ನಡೆವ

ದಾರಿ ಕಾಣದ ಹಯವಿದು

ಸವಾರ ಓಡಿಸಿದ ಕಡೆಗೆ

ಮೌನವಾಗಿ ಮ್ರತ್ಯುವಿನೆಡೆಗೆ

ಓಟ ಗೆಲುವಿನ ಮುಡಿಗೋ

ಅಥವಾ ಸೋಲಿನ ಕಡೆಗೋ

ನಿರೀಕ್ಷೆಯಿಲ್ಲದ ಮನವಿದು

ಇರುಳಲ್ಲಿ ಕ೦ಡ ಕಣಿವೆಯಲಿ

ಹಗಲಲ್ಲಿ ಬೀಳುವ ತವಕದಲಿ

ಮು೦ದೆ ಯಾರೋ ಹಿ೦ದೆ ಯಾರೋ

ನಿರ೦ತರವಾಗಿ ಓಡುವ ಕುದುರೆಗಳು

ಈ ದುಖ: ತು೦ಬಿದ ಮನಗಳು