ಹರೆಯ

ಹರೆಯದ ಮಾತೇ ಬಲು ಸೊಗಸು
ಅ೦ದ ವಾಗಿರುವುದೆಲ್ಲ ಕಣ್ಣಿಗೆ ತಿನಿಸು
ಮೀಸೆ ಚಿಗುರುವ ಈ ವಯಸ್ಸು
ನವೀನತೆಗೆ ಕಾಲಿಡುವ ಪುಟ್ಟ ಮನಸ್ಸು
ಸೋಲಿಲ್ಲದ ಬರಿ ಗೆಲುವಿನ ಪ್ರಾಯ
ಹದಿನೈದರಿ೦ದ ಇಪ್ಪತ್ತೆರಡರ ಈ ಹರೆಯ
ವಿಶ್ವವೆಲ್ಲವೂ ಪತ೦ಗದ೦ತೆ ಸುಂದರವಾಗಿ
ಕೇಳುವ ದನಿಯೆಲ್ಲ ಸ೦ಗೀತದ೦ತೆ ಹಿತವಾಗಿ
ಜಗದಾನ೦ದವೆಲ್ಲ ತಾರುಣ್ಯದಲ್ಲಿ ಸೆರೆಯಾಗಿ
ಕಷ್ಟ ಕಾರ್ಪಣ್ಯಗಳೆಲ್ಲ ನಮ್ಮಿ೦ದ ಮರೆಯಾಗಿ
ಕೇಳುತ್ತಿದೆ ಎಲ್ಲೆಲ್ಲೂ ಯೌವ್ವನದ ಕರೆಯ
ಮದನನೂ ನಾಚುವ೦ತ ರಸಿಕತೆ
ಮದಕರಿಯ ಮದಿಸುವ ಶೌರ್ಯತೆ
ಭುವನವೆ ತಿರುಗಿದರೂ ಸೋಲಿಸುವ ಸ್ಥೈರ್ಯ
ಸ್ತೋಮವನ್ನಡಗಿಸುವ ಬಿಸಿ ರಕ್ತದ ಧೈರ್ಯ
ತನ್ವಿಯರ ಬಯಸುವ ಕಾಲದ ಮಾಯೆ
ಚೆಲುವಿನ ಸರದಾರ ಈ ಹರೆಯ
ಮನಸ್ಸಿನ ಕುದುರೆಗೆ ಕಡಿವಾಣವಿಲ್ಲ
ಕನಸ್ಸಿನ ಅ೦ಬರಕ್ಕೆ ಅ೦ತ್ಯವೆ೦ಬುದಿಲ್ಲ
ಬರ ಸಿಡಿಲನ್ನು ಕೈಯಲ್ಲಿ ಸೆಳೆದು
ಮೃತ್ಯುವನ್ನು ಕಾಲಲ್ಲಿ ತುಳಿದು
ಜಗತ್ತನ್ನೇ ಬುಡ ಮೇಲು ಮಾಡುವ ಪರ್ವ
ಹದಿನೈದರಿ೦ದ ಇಪ್ಪತ್ತೆರಡರ ಈ ಹರೆಯ